Gure ikastetxean, hezkuntza ikasgelatik haratago doan prozesutzat ulertzen dugu. Horregatik, Asuncion Mugimendua proposamen osagarri hezitzaile gisa aurkezten da, gure ikasleei denbora librea modu osasuntsu, seguruan eta aberasgarrian gozatzeko aukera ematen dien ekimena.
Ikastetxeko denbora libreko kluba da, eta Lehen Hezkuntzako 2. mailatik Batxilergoko 2. mailara arteko ikasleentzat dago zuzenduta. Jarduerak eskolaz kanpoko ordutegian garatzen dira, eta elkarbizitza, talde-lana, sormena eta balioen barneratzea sustatzea dute helburu, giro ludiko eta hezigarrian.
Asuncion Mugimenduaren helburu nagusietako bat da maila desberdinetako ikasleen arteko harremanak bultzatzea, esperientziak partekatzeko, elkarrekin ikasteko eta pertsona gisa hazteko espazioak sortuz.
Horrez gain, gure ikastetxea inguruko auzoetan oso integratuta dago, eta haietan parte aktiboa izatea garrantzitsutzat jotzen dugu. Hori dela eta, hilean behin, eskolaz kanpo, doako jolas-jarduera dibertigarriak antolatzen ditugu Intxaurrondo, Bidebieta, Herrera, Altza, Larratxo eta Trintxerpeko plazetan eta kultur etxeetan. Jarduera hauek edonork parte har ditzake, eta helburua da euskararen erabilera modu erakargarrian sustatzea, bereziki haur eta gazteen artean.
Jolasak, dinamikak, irteerak eta jarduera bereziak dira proposamenaren parte, eta guztiek aukera ematen diete gure ikasleei modu integralean garatzen jarraitzeko, hezitzaile-taldearen laguntzarekin eta ikastetxearen hezkuntza-proiektuarekin bat eginez.
Gogora nazazu
De acuerdo con el artículo 13 del Reglamento (UE) nº 2016/679 ("GDPR"), declaro que he leído la Política de privacidad de la "ASUNCIÓN IKASTETXEA" y doy mi consentimiento para el uso de los datos que proporciono.