Ikastetxeak 2030 Agendarekin duen konpromisoaren barruan, DBHko 1. mailako ikasleek bisita didaktikoa bat egin zuten joan den ostiralean Donostiako Garbigunera. Bertan, Euskadiko biodibertsitateari buruzko hitzaldia entzun zuten, bai eta egunerokoan ohitura arduratsuen bidez hura babesteak duen garrantziari buruzkoa ere.
Bisitan zehar, ohiko edukiontzietan edo zabor-poltsetan utzi behar ez diren etxeko hondakinak gaika biltzeko zentro honen funtzioa ezagutu zuten. Horrez gain, hondakin horiek nola sailkatzen diren eta ondoren zer tratamendu jasotzen duten ikasi zuten, ingurumena zaintzeko kudeaketa egokiak duen garrantzia ulertuz. Zer material mota biltzen diren, nola sailkatzen diren eta ondoren horiek tratatzeko, berrerabiltzeko edo modu seguruan deuseztatzeko zer prozesu jarraitzen diren azaldu zieten.
Bisitari esker, ikasleak jabetu ziren zein garrantzitsua den hondakinak behar bezala bereiztea eta gure eguneroko ekintzek ingurumenean duten eragina murriztea. Gainera, ulertu zuten hondakinen kudeaketa arduratsuak zuzenean laguntzen duela biodibertsitatea babesten eta partekatzen dugun ingurune naturala zaintzen.
Zalantzarik gabe, oso esperientzia aberasgarria izan zen, ingurumenarekiko errespetua sustatu eta gure ikasleek planetaren zaintzarekin duten konpromisoa indartu zuena.
Gari Martinez de Harok, DBHko 1. mailako ikasleak, bere esperientzia kontatu digu:
"Bisita oso interesgarria izan da, eta denok gauza asko ikasi ditugu. Birziklatzea eta mundua zaintzea zein garrantzitsua den erakutsi digute, animaliei zaborrak nola eragiten dien azaltzen zuten bideoak ikusi ditugu, baita elementu bakoitzak sortzen duen kutsadura-ehunekoa ere. Gainera, begiraleak oso jatorrak eta barregarriak ziren. Oso txango dibertigarria izan da!"
Gogora nazazu
De acuerdo con el artículo 13 del Reglamento (UE) nº 2016/679 ("GDPR"), declaro que he leído la Política de privacidad de la "ASUNCIÓN IKASTETXEA" y doy mi consentimiento para el uso de los datos que proporciono.